A Casa de Galicia de El Puerto de Santa María, en Cádiz, organiza, o venres 10 e o sábado 11 de abril, unha irmandade galaico andaluza.

O venres 10, ás 19:00 horas, na Praza do Banco, en Xerez, representarase o espectáculo folclórico Galicia y Jerez unen su arte.

Pola súa banda, o sábado 11, a partir das 13:00 horas, celebrarase na Praza da Artesanía de Guadalcacín, un encontro especial con mostras de baile flamenco, a cargo da Academia de baile de Guadalcacín, e de baile tradicional galego, pola asociación cultural Meigas e Trasgos de Sarria (Lugo).

Os organizadores animan a participar nestas dúas xornadas, para desfrutar de moita troula.

Descargar cartel.

Máis info: Facebook.