O secretario xeral da Emigración, Antonio Rodríguez Miranda, visitou a biblioteca Rosalía de Castro do Instituto Cervantes de Curitiba, no marco da súa viaxe institucional a Brasil. Durante o encontro, interesouse polo labor que desenvolve esta institución na difusión da cultura hispánica e, en particular, pola presenza de autores galegos e obras en lingua galega no seu fondo bibliográfico.

Miranda puxo en valor o papel que desempeñan centros como o Instituto Cervantes na proxección internacional da nosa cultura e subliñou que “a figura de Rosalía de Castro simboliza perfectamente esa conexión entre Galicia e o mundo, un vínculo que queremos seguir fortalecendo tamén en Brasil”.