O Centro Español de Ingolstadt, en Alemaña, realiza os próximos meses webinars gratuítos de "Orientación profesional, cualificación e busca de emprego".

Por terceiro ano consecutivo, a Consellería de Traballo, Migracións e Seguridade Social da Embaixada de España en Alemaña e a Axencia Federal de Emprego organizan esta nova edición de sesións online, a través de Teams.

Os webinars teñen o obxectivo de facilitar a integración laboral e mellorar a situación profesional dos españois no país xermano.

As sesións son as seguintes:

• "Formación profesional en Alemaña: retos e oportunidades", martes 23 de setembro ás 11:00 horas. 
• "Orientación profesional en Alemaña", martes 30 de setembro, das 10:00 ás 11:30 horas; e mércores 1 de outubro, das 17:00 ás 18:30 horas.
• "Cualificación profesional en Alemaña", martes 14 de outubro, das 10:00 ás 11:30 horas; e mércores 15 de outubro, das 17:00 ás 18:30 horas.
• "Integración profesional en Alemaña", mércores 12 de novembro, das 17:00 ás 18:30 horas; e luns 17 de novembro, das 10:00 ás 11:30 horas.

Inscricións: Web do Centro.

Máis info: Facebook | Instagram.