A Asociación Galega Residentes de Mos, en Bos Aires (Arxentina), celebra o día da infancia o sábado 30 de agosto, a partir das 17:00 horas, cunha nova edición, a cuarta, da Festa Rachada Internacional Infantil.

Unha xornada para os máis pequenos da casa, con música, bailes, buffet, sorteos e moitas sorpresas. Nesta festa, que se celebra na sede da entidade, están invitados tamén os seguintes grupos de música e baile:

• Sociedade Parroquial de Vedra.
• Sociedade Lituana Arxentina.
• Ballet italiano Radici.
• SAPA Pipe Band.
• Ballet ucraíno Lviv.
• AgariMosos de Mos.

Máis info: Facebook | Instagram.