O secretario xeral da Emigración, Antonio Rodríguez Miranda, destacou o compromiso da Asociación Cultural Galega Rosalía de Castro de Cornellá na preservación da cultura e das tradicións galegas en Cataluña durante a reunión mantida co seu presidente, Oliver Fernández Expósito. Miranda subliñou a importancia de manter vivos os lazos culturais con Galicia e agradeceu o esforzo da asociación por promover actividades que achegan a cultura galega ás novas xeracións e ao conxunto da comunidade galega en Cornellá.

Rodríguez Miranda reafirmou o apoio da Xunta de Galicia ás iniciativas culturais e sociais da colectividade galega, animando á asociación a seguir impulsando proxectos que manteñan viva a galeguidade. “Cada actividade que organizan contribúe a fortalecer os lazos entre Galicia e Cataluña, enriquecendo a ambas comunidades e asegurando que as nosas raíces continúen florecendo fora de Galicia”, enfatizou o secretario xeral.