Galicia Aberta achega a nosa lingua aos galegos do exterior con máis de 35.000 visualizacións do Curso de Galego Online
A Secretaría Xeral da Emigración da Xunta de Galicia continúa promovendo con éxito o uso do galego entre as comunidades galegas no exterior a través do seu curso en liña de lingua e cultura galegas, que este ano acadou novamente unha alta participación e interese entre a diáspora galega en todo o mundo.
O curso, que se desenvolveu a través da plataforma Aula GaliciaAberta, contou coa participación de destacadas personalidades da cultura galega, como Yolanda Castaño e Rubén Riós, entre outros. As sesións alcanzaron un total de 35.000 visualizacións nas diferentes plataformas. Estes datos reflicten o interese crecente por preservar e promover a lingua e a cultura galegas entre as comunidades no exterior.
O curso foi deseñado para ofrecer unha oportunidade de aprendizaxe e enriquecemento cultural, facilitando o acceso a recursos educativos de calidade e sen custo para todas as persoas interesadas, independentemente do seu nivel de coñecemento previo.
Con iniciativas coma esta, a Secretaría Xeral da Emigración reafirma o seu compromiso coa difusión da cultura e a lingua galegas, asegurando que as novas xeracións de galegos e galegas, mesmo lonxe da súa terra, manteñan vivas as súas raíces culturais.
Máis info:
Novas relacionadas