Como vén sendo xa tradicional por estas datas do Nadal, a Hermandad Gallega de Valencia (Venezuela) realizou unha doazón de alimentos á Casa Hogar San Vicente de Paúl de Naguanagua (Estado Carabobo), na que residen máis de 150 maiores, dos e das que vinte son de orixe galega.

Sissi Iglesias, secretaria de Emigración da Hermandad, e Oswaldo Lucena, secretario xeral, fixeron entrega dos alimentos a sor Susana, directora do Hogar, un dos máis de douscentos fogares que a congregación das Hermanitas de los Ancianos Desamparados ten espallados nun total de 19 países, na súa maioría en América Latina.

Fonte e foto: Hermandad Gallega de Valencia