O martes 11 de febreiro ás 18:30 h, no Museo Centro Gaiás da Cidade da Cultura de Galicia (en Santiago de Compostela), celebrarase o acto de entrega de diplomas acreditativos da súa concesión aos/ás beneficiarios/as dos programas de Bolsas Excelencia Mocidade Exterior (BEME) para a realización dun mestrado nunha universidade galega, da Secretaría Xeral da Emigración, e das Bolsas Mocidade Exterior para a realización dun grao superior de Formación Profesional no sistema educativo galego, da Consellería de Educación, Universidade e Formación Profesional.