O venres 11 de novembro de 10,00 a 16,00 h., na sede da entidade galega na capital carioca, o Centro Social de Maiores da Casa de Espanha de Río de Xaneiro organiza a IVª Mostra de Talentos, un proxecto onde as/os participantes poden realizar representacións de música, danza, teatro, fotografía, literatura, tecnoloxía, artes visuais e outras linguaxes afíns, coa fin de promover a socialización cultural na madurez.

• Período de inscrición: do 1 ao 25 de outubro
• Dirixido a persoas maiores de 55 anos
  -A participación pode ser individual ou en grupo e con ou sen instrutores/as ou acompañantes
• Non ten carácter competitivo, pero os/as participantes reciben un certificado de participación
• A mostra artística na categoria das artes plásticas e visuais quedará exposta para a visualización do público durante todo o evento
• A participación e a entrada son de balde
• Máis info:
  -No tlf. 55 (21) 2536-3150 R: 216 
  -No facebook