O venres 14 de xuño ás 19,00 h., na Biblioteca Galega de Bos Aires “Antonio Pérez-Prado”, o Museo de la Emigración Gallega en la Argentina (MEGA) e a Federación de Asociaciones Gallegas en la República Argentina organizan a conferencia que baixo o título Instruír e traballar. As institucións galegas en América e o seu legado en Galicia pronunciará Xosé Manuel Malheiro Gutiérrez, profesor titular do Departamento de Pedagoxía e Didáctica da Universidade da Coruña. A entrada é libre e de balde.