O custo da matrícula para estudos oficiais de máster está fixado polas universidades.

A matrícula consta de dous conceptos:

1. Taxas administrativas ou de secretaría (apertura de expediente, seguro universitario de accidentes e asistencia en viaxes, expedición tarxeta universitaria de identidade (TUI), solicitude de equivalencia, etc. cuxo importe oscila entre 40 € e 70 € aprox. segundo os casos.
2. Taxas académicas (diferenciando a rama de Experimentais e Non Experimentais):

     a) Para os títulos de máster da rama de Experimentais - Epígrafe A (Ciencias, Ciencias da Saúde, Enxeñería e Arquitectura), o importe sería 900 € aprox.
     b) Para os títulos de máster da rama de Non Experimentais - Epígrafe B (Arte e Humanidades e Ciencias Sociais e Xurídicas), o importe sería 600 € aprox.

Moi importante: Pago taxas administrativas e exención de taxas académicas

As persoas solicitantes das Bolsas Excelencia Mocidade Exterior que se matriculen na Universidade de Vigo ou na Universidade da Coruña, no momento de realizar a matrícula, deben marcar a recadro correspondente a que son solicitantes de bolsa.

No caso das persoas que se matriculen na Universidade de Santiago (USC), non hai que marcar ningunha recadro, pero deben enviar un correo electrónico á Unidade de Xestión Académica da USC que corresponda (uxa.norte@usc.es ó uxa.sur@usc.es ó uxa.lugo@usc.es) e comunicarlles que son solicitantes da Beca Excelencia Mocidade Exterior, xuntando o PDF que se xera ao realizar a solicitude inicial da bolsa.

Deste xeito, só terán que aboar as taxas administrativas ou de secretaría. Este abono faise normalmente mediante ingreso bancario ou mediante tarxeta bancaria de crédito ou débito.

Se a resolución das Bolsas Excelencia Mocidade Exterior fose favorable e se concedese a bolsa, as taxas académicas aboaríanse unha vez que a persoa bolseira estivese en España e  recibise o importe da bolsa.

Se a bolsa se denegase e xa non estivese interesado/a en realizar o máster, deberá anular a matrícula no prazo que estableza a universidade e perdería en todo caso o importe das taxas administrativas ou de secretaría.