Entrega das compostelas e diplomas acreditativos ás e aos participantes de Arxentina nos programas Reencontros con Galicia, Conecta co Voluntariado e Conecta con Galicia no Camiño, na súa edición de 2025, así como do encontro de traballo cos presidentes e representantes dos principais centros galegos de Bos Aires para presentar o balance anual das políticas da Xunta dirixidas á colectividade.

Ambos actos, celebrados o 4 e 5 de decembro no Club Español de Bos Aires, contaron coa presenza do secretario xeral da Emigración, Antonio Rodríguez Miranda, acompañado polo delegado da Xunta en Arxentina, Alejandro López Dobarro.