Galería de imaxes de Conecta con Galicia no Camiño 2025, programa da Secretaría Xeral da Emigración da Xunta de Galicia, en colaboración coa Dirección Xeral de Xuventude da Consellería de Cultura, Lingua e Xuventude, para mozas e mozos galegos do exterior con idades comprendidas entre os 18 e os 21 anos e que se desenvolveu entre o 19 e o 31 de xullo.

A iniciativa, que este ano cumpriu a súa 35ª edición, reuniu a preto de 100 mozos e mozas de ata sete países distintos de América, os cales puideron coñecer Galicia a través da experiencia do Camiño de Santiago, reforzando así os seus vínculos coa súa terra de orixe. Durante a estadía, os participantes aloxáronse nas residencias xuvenís Altamar, en Vigo, e Florentino López Cuevillas, en Ourense.