Primeiro número (de setembro de 2014) de Vía da Prata, a nova revista da Federación de Centros Gallegos en Andalucía. Neste botar a andar da publicación, atopamos os saúdas do presidente da Federación, das/os presidentes que a conforman (Lar Gallego de Sevilla, Casa de Galicia en Córdoba, Casa de Galicia en Huelva, Casa de Galicia en el Puerto de Santa María e Centro Gallego de Málaga), do secretario xeral da Emigración, o editorial da directora da publicación; un artigo sobre a historia da creación da Federación e un resumo das Xuntanzas anuais da entidade celebradas ata o momento:  a Iª, celebrada en Antequera (en 2010); a IIª, en Osuna (2011); a IIIª, en Ayamonte (2012); e IVª, en Sevilla (2013).