Número 65 (2018) da revista Libredón do Centro Galego de Santander. Ademais dos saúdas do presidente da entidade e das autoridades galegas e cántabras, atopamos o fallo do XVIII Concurso literario Julio Camba e a publicación de Sombras de grullas, de Francisco de Paz Tante, obra gañadora do primeiro premio; a memoria das moitas actividades realizadas polo Centro ao longo do ano: varios ciclos de conferencias, a celebración do Ano Xubilar Lebaniego, a Semana Cultural das Letras Galegas 2018 -dedicada na presente edición a Mª Victoria Moreno-, o IVº Curso de gaita galega, excursións e xantares sociais, as actuacións do grupo de gaitas 'Airiños da Terra'; a asemblea xeral ordinaria 2018; e as seccións de colaboracións, cociña etc.