Número 43 (xullo de 2014) da revista Galicia en Mar del Plata, publicación do Centro Gallego de Mar del Plata. Contén información sobre os programas da Secretaría Xeral da Emigración para as/os residentes no exterior; os cambios na Comisión Directiva; a inauguración do cruceiro na sede recreativa da institución (entre as rúas Mario Bravo e Rufino Inda); o décimo aniversario do Centro de Día da entidade. Tamén, o repaso pola intensa actividade cultural do Centro como IV Xuntanza de Gaiteiros, a Romaría da Festa dos Maios e as Letras Galegas, artigos de divulgación cultural etc.