Número 8 (de decembro de 2013) da revista Aquí Galicia, publicación do Centro Gallego de Tres Cantos. Contén os saúdas do presidente da entidade e do concelleiro de Participación Cidadá e Mantemento de Edificios Municipais de Tres Cantos; cadanseu artigo sobre o Día das Letras Galegas -dedicado neste ano a Roberto Vidal Bolaño- e o 150 aniversario da publicación de Cantares Gallegos; o habitual recuncho de Arde-llo Eixo; e a memoria de actividades celebradas ou con participación do Centro como a VII Romaría de FAGAMA.