Do luns 18 ao mércores 20 de maio o Programa de Estudos Galegos (PROEG) da Universidade do Estado do Rio de Janeiro organiza as Xornadas das Letras Galegas ’15, que na presente edición homenaxean ao historiador e escritor galego Xosé Filgueira Valverde.

• Programa: picar aquí para descargar

• As inscricións son gratuítas e pódense realizar na sala 11.131 F do Instituto de Letras (Sala do PROEG), en horario de 12,00 a 16,00 h., ou en liña, poñendo o nome e apelidos como comentario neste artigo do blog

• Nestas xornadas contarase con profesores/as e investigadores/as da UERJ, e tamén doutras universidades como a Universidade Federal Fluminense (UFF); a Universidade Federal do Río de Janeiro (UFRJ); a Universidade Federal Rural do Río de Janeiro (UFRRJ); a Universidade Federal da Bahia (UFBA); a Universidade Federal do Ceará (UFC) ou doutras institucións como o Instituto Cervantes