O Centro Gallego de Santander convoca o XIV Concurso literario Julio Camba de relato curto.

Premios:

• 1º Premio: Medalla do Centro, Diploma e 500 €
• 2º Premio: Diploma e 300 €
• 3º Premio: Diploma e lote de libros

Bases:

• 1.- Poderán participar:
  A) maiores de idade residentes en España e
  B) os socios e socias de calquera Centro Galego do mundo.
• 2.- O tema será libre, orixinal, inédito e non premiado, podendo ser escrito en lingua galega ou española. Presentarase unha soa obra. Os traballos presentaranse, por triplicado, cunha extensión entre 6 e 8 folios tamaño A-4, a dobre espazo, 30 liñas por páxina, en letra Times New Roman 12 ou similar e baixo o sistema de lema con plica. En sobre pechado, co lema escrito por fóra, constarán os datos persoais do autor ou autora, cun breve currículo. As e os concursantes que non residan en España incluirán certificación do Centro onde se encontren asociados ou asociadas. As persoas gañadoras comprométense a facilitar a través de correo electrónico ou correo postal unha copia en formato Word.
• 3.- Os traballos entregaranse antes do día 1 de Outubro de 2013, por correo certificado, ou persoalmente na Secretaría do Centro Gallego: XIV CONCURSO LITERARIO XULLO CAMBA. C/ Hernán Cortés, 47 - Entresuelo. C.P. 39003 - Santander.
• 4.- O fallo do xurado darase a coñecer na festa do Magosto en Novembro de 2013 e será inapelable, podendo declarar desertos os premios ou eliminar os relatos que non se ateñan ás bases. Inmediatamente, será comunicado ás ou aos gañadores e publicarase no blog do Centro Gallego, http://cgallegosantander.blogspot.com.es/.
• 5.- Os traballos premiados quedarán en propiedade do Centro Galego, poderán ser publicados na Revista Libredón do Centro Gallego e posteriormente editado nun libro. As e os non premiados poderán retirar o seu traballo dende a data do fallo ata a próxima convocatoria.
• 6.- As autoras e autores premiados nalgunha das cinco últimas edicións non poderán presentarse.
• 7.- A cerimonia de entrega dos premios, á que serán invitados e invitadas, celebrarase en Decembro, nun acto especial do que serán informados previamente. Os autores e autoras premiados, comprométense a recollelo persoalmente, ou delegar na persoa que estime oportuna, pola contra enténdese que renuncian a este.
• 8. O feito de participar neste Certame implica a aceptación das súas Bases. Todas as incidencias non previstas nelas serán resoltas polo Xurado.