Ata o venres 7 de marzo ás 18,00 h. está aberto o período de votación das distincións 2014 "Rosalía de Castro" e "Virxinia Pereira" que organiza o colectivo de mulleres galegas na diáspora Herbas de Prata en conmemoración do Día Internacional da Muller, e coas que se recoñecen cada ano a dúas mulleres como xeito de botar luz sobre as galegas que na súa vida visible ou privada colaboraron e garantiron a pervivenza da cultura galega na Arxentina.

• A distinción "Rosalía", que se simboliza cunha roseira para a homenaxeada, recoñece a esas mulleres que levan unha vida de loita pública nalgunha causa nobre
• O recoñecemento "Virxinia Pereira", representado por unha cameleira para a muller que o leve, pretende facer público o traballo anónimo desas galegas que co seu labor privado, contribuíron ao desenvolvemento das súas familias e souberon sementar nelas o amor e o respecto pola súa orixe galega

Nominadas mención "Rosalía de Castro":

• Pepa Noia
• María Seoane
• Ester Goris
• Claudia Piñeiro

Nominadas mención "Virxinia Pereira":

• Emilia Otero Gómez (Miluca)
• Celia Luaces
• Marita Ramallo
• Cecilia Escalhao
• Beatriz Lagoa Veiga
• Dolores Castiñeira
• María Elena Baptista Da Silva
• Dolores Cameselle de Fernández

Votacións: en herbasdeprata.blogspot.com.ar ata o venres 7 de marzo ás 18,00 h.