O xoves 28 de setembro de 10:00 a 12:00 e de 13:00 a 16:00 h, na sede da entidade galega na capital carioca, o Centro Social de Maiores da Casa de Espanha de Río de Xaneiro organiza a Vª Mostra de Talentos, un proxecto onde as/os participantes poden realizar representacións de música, danza, teatro, fotografía, literatura, tecnoloxía, artes visuais e outras linguaxes afíns, co fin de promover a socialización cultural na madurez.

• Período de inscrición: do 21 de agosto ao 22 de setembro
• Dirixido a persoas maiores de 55 anos
  -A participación pode ser individual ou en grupo e con ou sen instrutores/as ou acompañantes
  -O tempo de presentación é dun máximo de 15 minutos por participante
• Non ten carácter competitivo, pero os/as participantes reciben un certificado de participación
• Inscricións: no correo-e csm@casadeespanha.com.br, ou no tlf. 55 (21) 2536-3150 R: 18 en os luns, mércores e xoves en horario de 9:00 a 15:00 h
• Os/as seleccionados/as serán avisados/as por mail ou tlf. nos días 21 e 22 de setembro, séndolle indicados os horarios das súas representacións
• A participación e a entrada son de balde
• Máis info no facebook