O sábado 6 de xaneiro ás 20:00 h, na sede da entidade galega en Bos Aires, celebrarase o acto de entrega de tres distincións por parte da Legislatura de la Ciudad Autónoma de Buenos Aires á Federación de Asociaciones Gallegas de la República Argentina:

• Declarando todas as actividades realizadas pola FAGRA de agora en diante de interese cultural para o ente gobernamental debido á súa traxectoria e á transcendencia do seu labor para preservar e difundir a memoria da emigración galega desde Bos Aires.  
• Designando tamén de interese cultural a programación impulsada durante o pasado mes de xullo pola Federación e a Asociación Tuy-Salceda de Bos Aires con motivo do Día de Galicia, que se celebra cada 25 de xullo, e mediante a que se gabou a idiosincrasia do pobo galaico ante os/s arxentinos/as a través da súa música e a súa cultura.
• Expresando o seu recoñecemento á Biblioteca Galega de Bos Aires Antonio Pérez-Prado e ao seu arquivo dixital polo "alto valor educativo, social e cultural" que supón.

Máis info: Facebook | Twitter | Instagram