O Centro Galego de Lleida celebra a súa semana cultural 2026 do luns 2 ao domingo 8 de marzo. Sete días cunha intensa programación de actividades para o desfrute de todos e todas.

As actividades serán as seguintes:

• Luns 2, ás 19:00 horas: Exposición no local social de artesanía, Patchwork, punto de cruz, pulseiras e colares feitos durante o curso polos compoñentes da Vogalía da Muller, finalizando o acto cun ágape.
• Martes 3, ás 17:30 horas: Día dedicado aos nenos e ás nenas e tamén para os maiores con xogos de mesa. Haberá para finalizar chocolatada e coca doce.
• Mércores 4, ás 19:00 horas: Acto central coa conferencia a cargo de Rubén Ríos, actor, director de cine e activista cultural.
• Xoves 5, ás 19:00 horas: Demostración culinaria galega e catalá de diferentes pratos salgados e doces aberta aos socios e ás socias.
• Venres 6, ás 20:00 horas: Presentación do número 39 da Revista Xurdimento por Albert Guilanyà i Foix, presidente da Audiencia Provincial de Lleida. Haberá un aperitivo para finalizar.
• Domingo 8, ás 12:00 horas: Misa cantada polo coro Cengallei, Asemblea Xeral Ordinaria e vermú para tódolos asistentes.
• Domingo 8, ás 15:00 horas: Xantar de Irmandade, cunha posterior sesión de baile.

Entre os actos cabe destacar a conferencia de Rubén Ríos, xa que será unha homenaxe ás xeracións maiores, con imaxes inéditas do seu proxecto "Centar100s", valorando as raíces galegas.

Máis info: Facebook.