O xoves 30 de maio ás 19,30 h., no Auditorio Ambrosio Morales de Madrid (Espazo das Linguas Ibéricas - Universidad de Alcalá de Henares), proxectarase o filme O Apóstolo, dirixida por Fernando Cortizo.

Producida por Artefacto Producciones, O Apóstolo é a primeira longametraxe de animación stop-motion estereoscópica de Europa e foi realizada integramente en Galicia. Recibiu múltiples premios a nivel nacional e internacional e foi nominada aos Premios Goya como mellor película de animación, acadando 6 premios Mestre Mateo 2013 da Academia Galega do Audiovisual, entre eles Mellor Película e Mellor Dirección.