O xoves 13 de febreiro ás 20,00 h., na sede da Federación Regional de Empresarios del Metal de Murcia (FREMM), o Centro Gallego de Murcia organiza a presentación do proxecto de coaching "Ccamina" que dirixe a emprendedora galega Mariela Villar. Este sistema baséase, a través da experiencia que supón a realización dun tramo do Camiño de Santiago, na realización de actividades de coaching con diversos obxectivos, entre eles potenciar as capacidades e actitudes de liderado tanto a nivel persoal coma para directivos/as e executivos/as de empresa.

• O evento estará presentado por José Luis Gonzalez, presidente do Centro Gallego de Murcia
• Ao remate servirase un viño para as e os asistentes
• Confirmar asistencia no enderezo de correo-e presidencia@centrogallegoregiondemurcia.com