O luns 6 de abril ás 16,30 h., na Biblioteca Manuel Murguía da sede da entidade galega na capital federal, o Centro Gallego de Bos Aires e o Instituto Argentino de Cultura Gallega organizan a presentación do libro A revolta dos gorrións. Nobres e vasalos, novela escrita en galego polo muradán José Manuel Bermúdez Siaba, ambientada na Gran Revolta Irmandiña de 1467, e na que se contará coa presenza do autor.