O venres 8 de agosto ás 20,30 h. do serán, na Casa da Cultura de Monforte de Lemos, presentarase o llibro Boas Noites, Monforte, editado por Teófilo Edicións. Neste volume ofrécese un orixinal retrato da cidade a través dun percorrido fotográfico pola súa fisionomía nocturna a través de máis de cen instantáneas editadas en gran formato e asinadas polo fotógrafo Alberte Peiteavel.

Ao acto asistirán o alcalde da vila, Severino Rodríguez Díaz, e o conselleiro de Economía e Industria, o monfortino Francisco Conde, e no mesmo actuará a cantante Rosa Leiro acompañada polo pianista galego-arxentino Juan Carlos Cambas.