A Asociación Cultural Galega "De Berlín Son" organiza do 25 ao 28 de setembro un obradoiro de pandeireta e baile tradicional galego, a cargo de Edu Bolaños, na cidade alemá.

Estas actividades están abertas tanto para socias e socios da entidade, como para persoas que non o sexan. Ademais, non se precisan coñecementos previos para participar nestas sesións.

Como punto destacado, o sábado 27 de setembro, no Café Madame, terá lugar unha foliada para tocar, cantar, bailar e celebrar.

As actividades e a súa programación serán as seguintes:

• Presentación:
  • Xoves 25, das 18:00 ás 20:00 horas, no teatro Werk 9.
     
• Pandeireta:
  • Venres 26, das 17:00 ás 19:00 horas, na Asociación Canarias en Berlín.
  • Sábado 27, das 11:00 ás 12:30 horas e das 15:00 ás 16:00 horas, na Asociación Canarias en Berlín.
  • Domingo 28, das 16:00 ás 18:00 horas, na Asociación Canarias en Berlín.
     
• Baile:
  • Venres 26, das 19:00 ás 20:00 horas, na Asociación Canarias en Berlín.
  • Sábado 27, das 12:30 ás 14:00 horas e das 16:00 ás 17:00 horas, na Asociación Canarias en Berlín.
  • Domingo 28, das 18:00 ás 20:00 horas, na Asociación Canarias en Berlín.
     
• Foliada:
  • Sábado 27, das 19:00 ás 22:00 horas, no Café Madame.

Descargar programa.

Prezo (inclúe todas as actividades): Socios e socias: 25€ | Xeral: 35€.

Máis info: Facebook | Instagram.