A Secretaría Xeral da Emigración da Xunta de Galicia, dentro do seu programa Aula GaliciaAberta, organiza Un Nadal de Contos, un programa en liña co obxectivo de promover a cultura galega entre os/as máis pequenos/as da Galicia do exterior nestas datas do Nadal.

Destinatarios/as - Participantes: 

• Os/as cativos/as, e tamén os/as máis maiores, asistirán a un contacontos ilustrado e musicado e cantado a través do que coñecerán e aprenderán a debuxar historias que terán como protagonistas o Nadal, o Camiño de Santiago, a nosa lingua, o patrimonio arqueolóxico etc. 
• É de carácter gratuíto e non precisa inscrición 

Datas e horarios do programa: os mércores e sábados, do 25 de novembro ao 26 de decembro, ás 20:00 h.

Emisión das clases: a través de Facebook Live

Estrutura das sesións: "Un Nadal de contos" desenvolverase da man de Polo Correo do Vento. Mentres Carlos Taboada debuxa a historia, o músico Antón Ké cantará o conto. Posteriormente, unirase Kike Mauricio Iglesias para continuar contando as historias centradas na nosa historia, no Xacobeo e por suposto, no Nadal.

Concurso "Un Nadal de Contos": picar aquí para acceder

Materiais para a preparación do programa: lapis e papel

• Programa 1 (25.11.2020): Petra, unha artista na Idade do Bronce. Unha historia de petróglifos.
• Programa 2 (28.11.2020): Protexendo o Camiño. Iago e Peregrina teñen unha misión: protexer o Camiño de Santiago.
• Programa 3 (02.12.2020): A detective Peregrina e o misterio do torque. Grazas a e este misterio coñeceremos o mundo castrexo.
• Programa 4 (05.12.2020): Do que aconteceu no canellón do gato. Esperpento e amor pola literatura...
• Programa 5 (09.12.2020): Ollando as estrelas. Unha misión galega para coñecer o sistema solar.
• Programa 6 (12.12.2020): O tesouro do pirata Benito Soto. Aventuras para descubrir o tesouro deste pirata galego.
• Programa 7 (16.12.2020): A volta ao mundo de Working Wheels. Rompendo as barreiras da discapacidade para dar unha volta ao mundo.
• Programa 8 (19.12.2020): Mario pensaba que o galego non servía para nada.
• Programa 9 (23.12.2020): O misterio do Nadal.
• Programa 10 (26.12.2020): Un Nadal na praia.
• Programa especial (05.01.2021): A noite de Reis.

Programas xa emitidos: picar aquí para acceder

Máis info: emigracion.xunta.gal | Facebook | Twitter | Instagram | YouTube | Correo-e: aulagaliciaaberta.emigracion@xunta.gal