O venres 17 de maio ás 19,30 h., na sede do Instituto Cervantes da capital xermana, dentro do ciclo de actividades das Semanas da Cultura Galega que organizan o Lectorado de Galego da Freie Universität Berlin e o Instituto Cervantes de Berlín, desenvolverase un Encontro literario con Yolanda Castaño e Elías Portela. Lectura alemán-galego-islandesa e performance con Yolanda Castaño e Elías Portela; moderación: Timo Berger. A entrada é de balde.