O martes 13 de maio ás 19,00 h., na Embaixada de España en Berlín, inaugurarase a exposición Olladas no Camiño de Santiago, que se poderá visitar ata o 11 de xuño na sede da misión diplomática española na capital xermana.

Esta mostra fotográfica amosa a visión particular que sobre o Camiño de Santiago e o fenómeno xacobeo teñen 14 fotógrafos e fotógrafas e tamén poderá verse dende finais deste mes na cidade norueguesa de Trondheim, onde continúa a súa itinerancia por toda Europa.