Co gallo da celebración do Día das Letras Galegas 2017, dedicado na presente edición ao escritor Carlos Casares, o Centro Galicia en Ponferrada convoca o IIIº Certame de redacción en galego, dirixido a alumnos/as de primaria e de secundaria que optaron polo ensino da lingua galega nos centros escolares do Bierzo.

Bases

1. Poden concorrer a este certame todos/as os/as escolares de primaria, secundaria e bacharelato que optaron polo ensino da lingua galega nos centros escolares do Bierzo
2. Os traballos presentaranse en lingua galega, e han de ser orixinais e inéditos. O tema e forma serán libres
3. A extensión dos orixinais será dun máximo de tres follas e un mínimo dunha cara en tamaño DIN A-4. Todas as páxinas deberán estar numeradas, a excepción da portada. As obras presentaranse por duplicado, con portada e grampadas na marxe superior esquerda. Soamente se pode presentar un traballo por autor/a. No traballo figurará o nome e apelidos do autor ou autora, a idade, o curso actual e o nome do centro onde está matriculado/a
4. Os traballos poderán enviarse: por correo postal a: "Centro Galicia en Ponferrada", Avda. Reis Católicos, 5-7. Ponferrada; por correo elctrónico a centrogaliciaenponferrada@gmail.com, ou entregar directamente no bar ou nas oficinas da asociación. A data límite de recepción de orixinais será o 28 de abril de 2017
5. O xurado, cuxa composición se dará a coñecer ao emitirse o fallo, terá ademais das facultades normais de outorgar ou declarar deserto o premio, e emitir o fallo, as de interpretar as presentes bases. A decisión do xurado será inapelable
6. O prazo máximo de resolución do procedemento será o 17 de maio de 2017. O fallo darase a coñecer a través dos distintos medios de comunicación
7. A contía dos premios do III Certame de Redacción en galego será a seguinte:
   -Categoría Infantil: Ata doce anos: 1º Premio 100€, 2º premio 75€ e 3º premio 50€
   -Categoría Xuvenil: Dende os 13 anos: 1º Premio 100€, 2º premio 75€ e 3º premio 50€
   (Os premios deberán ser empregados en adquisición de material escolar)
8. Os premios entregaranse no acto conmemorativo dedicado ás Letras Galegas a celebrar na sede da Asociación do Centro Galicia en Ponferrada o día 20 de maio de 2017. É requisito indispensable recoller persoalmente o premio
9. Os traballos non premiados poderán ser retirados polos/as seus/súas autores/as ou persoas autorizadas dispoñendo de 20 días a partir da data de entrega dos premios. Os orixinais non retirados serán destruídos transcorrido o devandito prazo.
10. O Centro Galicia en Ponferrada dispoñerá das obras premiadas para a súa publicación na forma e xeito que crea oportuno, por outra parte, aquelas obras que pola súa calidade ou interese poidan ser recomendadas polo xurado publicaríanse logo de permiso dos/as seus/súas autores/as
11. A presentación de obras a este concurso supón por parte dos/as autores/as a aceptación das presentes bases

Máis info: na web centrogaliciaenponferrada.blogspot.com.es e no facebook