Do 22 ao 24 de setembro de 2012 o Instituto Argentino de Cultura Gallega organiza o terceiro encontro de camaradaría e amizade a realizarse no Centro Gallego de Mar del Plata.

• Inscricións ata o 17 de setembro.
• Info: no tlf. 493-1798 Int.31 de 14,00 a 21,00 h. e no enderezo de correo-e cgallego@speedy.com.ar
• O Centro Gallego de Mar del Plata brindará aloxamento e comida. É único requisito ter menos de 30 anos e poder interpretar a Muñeira de Chantada.
• No caso dos gaiteiros e gaiteiras maiores de 30 anos a institución brindaralles a comida soamente.
• Todas e todos os participantes, terán que custearse os traslados dende, e cara, ás súas cidades de orixe.

O obxectivo da Xuntanza é crear un espazo de encontro entre a mocidade da colectividade galega na Arxentina e ofrecer un espazo de aprendizaxe, alento, prácticas, traballo grupal, intercambios e emocións. Acompañarán na dirección desta 3ª Xuntanza o Mestre Gaiteiro Santiago Molina, do Centro Gallego de Avellaneda, e o Mestre Gaiteiro Abraham Fernández López, chegado de Galicia.