O sábado 1 de decembro ás 18,00 h., na sede do Centro Galego de Barcelona, renderáselle recoñecemento a diferentes personalidades da música polo seu traballo e difusión da nosa música e cultura nos distintos centros e asociacións galegas de Barcelona, nun acto que estará presentado por Toni Cotado.

Serán homenaxeadas as seguintes persoas:

• Javier P. Otero (acordeonista)
• Amador Casanovas (gaiteiro)
• Jesús Galán (gaiteiro)
• Fernando (cantante e bailarín)
• Julita (cantante e bailarina)
• José Romero (acordeonista)
• Mariano Alonso (cantante, pianista e guitarrista)
• Jesús Espín (gaiteiro e acordeonista)
• Antonio Fernández (gaiteiro, frautista e acordeonista)
• Alfredo González (cantautor)

Cada persoa homenaxeada terá unha pequena intervención, así como a poetisa Sara Fernández e o grupo formado por Alfredo González (voz e guitarra), Jose Romero (acordeón), Mariano Alonso (voz e guitarra) e Jesus Galan (gaita).

Así mesmo, presentarase o disco homenaxe ao poeta Pérez Parallé, Dende a ría á Capelada.