O sábado 7 de xaneiro a partir das 19,00 h. a Federación de Asociaciones Gallegas de la República Argentina organiza un acto conmemorativo do 62º aniversario do pasamento de Alfonso Daniel Rodríguez Castelao. Ademais das palabras de lembranza ao grande intelectual rianxeiro,  realizarase unha ofrenda floral no monumento que o recorda na praza que leva o seu nome, ao tempo que a Banda de Gaitas Dúas Beiras entonará o Himno de Galicia e outras cancións galegas tradicionais.