O domingo 11 de marzo de 10 a 20,00 h., no seu Parque Social e Polideportivo de Carrasco, o Centro Gallego de Montevideo celebra a tradicional Romaría Galega da entidade. As e os asistentes poderán saborear variados pratos típicos galegos e criollos, e a festa estará amenizada coa actuación de grupos de música e baile tradicional galego, orquestras e xogos e outros entretementos para os máis novos e as máis novas. É preciso levar a louza e os cubertos.