Do xoves 29 de maio ao domingo 1 de xuño, no Moll de la Fusta do porto barcelonés, celebrarase "Galicia Pórtico Universal - Barcelona".

• As actividades que se levarán a cabo nesta área expositiva de Galicia inclúen unha exposición de artesanía galega, exposición de produtos alimentarios galegos non perecedoiros con denominación de orixe ou marca de calidade, demostración en vivo dunha actividade artesán galega, área de información de Turgalicia e Xacobeo e unha aula de catas.
• Ademais compleméntase cunha pequena tenda onde se van vender mais de 50 referencias de produtos de calidade diferenciada, a maioría non perecedoiros (viños, conservas de peixe e mariscos, mel, augardentes, etc) e perecedoiros (queixos). Tamén a artesanía galega terá o seu espazo nesta tenda. Os beneficios desta venda serán dados en doazón a unha entidade benéfica sen ánimo de lucro.