A cidade de Lleida celebra do xoves 22 ao domingo 25 de outubro a súa Festa do Marisco e do Polbo, unha celebración gastronómica coa que colabora o Centro Galego de Lleida.

A feira, para os amantes da gastronomía, terá lugar na carpa situada no aparcamento do Camp D'Esports do Lleida, cun horario das 12:00 ás 23:00 horas.

Serán catro días para saborear algúns dos pratos máis emblemáticos de Galicia, desfrutar da boa comida en compañía e brindar cos mellores sabores da terra. Entre os produtos a degustar nestas xornadas estarán:

• Unha selección de marisco.
• Polbo con cachelos.
• Pementos de Padrón.
• Empanada galega.
• Carne ao caldeiro.
• Carne á brasa.
• Torta de Santiago e unha selección de doces.
• Bebidas galegas.

A inauguración da festa terá lugar o xoves 22 ás 20:00 horas e nese día obsequiarase cunha tapa de mexillóns de balde por persoa e consumición.

Máis info: Facebook.