Exposición "As xeracións do Monserrat. Memoria emocional da emigración galega ao Reino Unido", na Coruña

Listen to this page using ReadSpeaker
352 lecturas

Do martes 21 de novembro de 2023 ao domingo 14 de xaneiro de 2024 pode visitarse no Kiosco Alfonso da Coruña a mostra As xeracións do Monserrat. Memoria emocional da emigración galega ao Reino Unido, unha exposición do Consello da Cultura Galega coa colaboración do Concello da Coruña e da Xunta de Galicia.

  • Un proxecto comisariado por Xesús Fraga, con deseño expositivo de Pepe Barro
  • Montaxe: Expo.gal
  • Coordinación de produción: Emilia García López

Dúas mulleres na cuberta dun barco. Nai e filla. A rixidez das posturas, sen saber moi ben como posar ante a cámara, fálanos de que este non é o seu elemento natural. Deixan a veiga polo mar —como escribiría moitos anos antes Rosalía— ao embarcar no buque que as convertería en emigrantes galegas en Inglaterra e cuxo nome se le no bote salvavidas: Montserrat.

Esta fotografía —nai e filla, cos anos avoa e nai— forma parte dunha cartografía emocional trazada nos testemuños de centos doutras viaxes. Aquelas travesías aboian en relatos que consagraron o Montserrat, e o seu xemelgo Begoña, como seres míticos doutro tempo.

Entre 1960 e 1974 uns 250 000 galegos e galegas deixaron as súas veigas por un mundo que aínda non viran, pero no que traballarían e fundarían familias e negocios, outras veces faríano na propia terra, onde tamén levantaron casas grazas ás divisas e aforros, amobladas coas pertenzas e lembranzas da súa vida emigrante.

Esta exposición recupera, a través de fotografías, filmacións, documentos e obxectos náuticos e cotiáns, xunto con outros materiais, aquelas viaxes entre os portos galegos e británicos. É a memoria emocional de varias xeracións que cambiaron o rumbo das súas vidas e, con el, tamén o do seu país: As xeracións do Montserrat.

Cartel informativo: Descargar

Máis info: consellodacultura.gal

 

Exposición "As xeracións do Monserrat. Memoria emocional da emigración galega ao Reino Unido", na Coruña
Evento: 
Mostra
Organiza: 
Consello da Cultura Galega
Data: 
21.11.2023
14.01.2024
Lugar:
Kiosco Alfonso
Xardíns de Méndez Núñez, 3
A Coruña - 15006 A Coruña
España
booked.net
Máis eventos na Axenda de GaliciaAberta:
Aula de lingua e cultura galegas 2024 - Aula GaliciaAberta
16.01.2024, 23.01.2024, 30.01.2024, 06.02.2024, 13.02.2024, 20.02.2024, 27.02.2024, 05.03.2024, 12.03.2024, 19.03.2024, 26.03.2024, 02.04.2024, 09.04.2024, 16.04.2024