O xoves 13 de agosto ás 19,00 h., no marco do 10º aniversario da creación do Museo de la Emigración Gallega en la Argentina (MEGA), na sede da entidade galega en Bos Aires inaugurarase a mostra Os barcos da emigración e os seus protagonistas.

Composta de 47 vinilos e 141 fotos de barcos que trasladaron a inmigrantes españois/las dende Europa cara a América, na mostra tamén se poderán observar, organizadas por datas, distintas viaxes que realizou cada embarcación, detallando con nome e apelido os datos dos/as españois/las que arribaron á Arxentina en cada un deles, que foron achegados polos/as viaxeiros/as ou polos/as seus/súas familiares.

• Entrada libre e de balde
• Datas e horario de visita: xoves, venres e sábados, de 16,00 a 20,00 h.
• Clausura da mostra: xoves 3 de setembro
• Máis info en www.fsgallegas.org.ar