Do venres 19 de decembro de 2014 ao xoves 15 de xaneiro de 2015 estará exposta, na sede do Instituto Cervantes da capital paulista, a mostra Os adeuses. Fotografías de Alberto Martí, organizada polo Consello da Cultura Galega e Agadic, e por medio do Centro Galego de Artes da Imaxe (CGAI- Filmoteca de Galicia) e a colaboración do Instituto Cervantes de São Paulo.

Trátase dunha exposición itinerante composta por 73 imaxes en branco e negro do fotógrafo coruñés Alberto Martí que retratan o éxodo galego a América desde os portos da Coruña e Vigo e o retorno destas persoas durante o período que vai desde o 1957 ata o 1963.