Do 3 ao 29 de decembro estará exposta na Casa de Galicia - Delegación da Xunta de Galicia en Madrid a mostra Os adeuses. Fotografías de Alberto Martí, organizada polo Consello da Cultura Galega e Agadic, e por medio do Centro Galego de Artes da Imaxe (CGAI- Filmoteca de Galicia).

Trátase dunha exposición itinerante composta por 73 imaxes en branco e negro do fotógrafo coruñés Alberto Martí que retratan o éxodo galego a América desde os portos da Coruña e Vigo e o retorno destas persoas durante o período que vai desde o 1957 ata o 1963.

Horario:

• De 10,00 a 14,00 h. e de 16,00 a 20,00 h.
• Festivos: 10,00 a 14,00 horas