Exposición 'O soño cubano da emigración galega', en Vigo

Listen to this page using ReadSpeaker
352 lecturas

Do venres 19 de xuño ao mércores 15 de xullo pode visitarse no Museo do Mar de Galicia, en Vigo, a exposición O soño cubano da emigración galega, mostra promovida polo Consello da Cultura Galega e o Arquivo da Emigración Galega coa colaboración da Secretaría Xeral da Emigración da Xunta de Galicia.

  • Esta exposición recolle a importancia e dimensión da comunidade inmigrante galega na Habana dende a primeira metade do século XIX. Ao ser a segunda cidade do mundo que máis galegas e galegos acollía, despois de Bos Aires, fixo que a colectividade de Cuba se artellara de formas diversas a través de centros galegos e sociedades locais, comarcais e parroquiais dende os que se concibiron novas ideas para a renovación de Galicia e se enviaron recursos ao país de orixe.
  • O soño cubano da emigración galega ten como fin narrar e recrear as fases e accións principais da emigración galega, dende a súa chegada ata o seu retorno, pasando polo asociacionismo, a situación da muller inmigrante, as publicacións e proxectos políticos para Galicia xurdidos en Cuba e a pegada da inmigración galega cuxas actividades, centros e festas tiñan unha grande visibilidade na sociedade e na cultura cubanas.

Horario de visita: consultar aquí

Máis info: museodomar.xunta.gal | Facebook | Twitter | Instagram

Exposición 'O soño cubano da emigración galega', en Vigo
Evento: 
Exposición
Organiza: 
Consello da Cultura Galega
Data: 
19.06.2020
15.07.2020
Hora: 
10:00
Lugar:
Museo do Mar de Galicia - Sala de exposicións temporais do 2º edificio
Avenida Atlántida, 160
Vigo - 36208Pontevedra
España