Exposición "Luces de alén mar. As escolas de americanos en Galicia", en Redondela

Listen to this page using ReadSpeaker

Avísame

52 lecturas

Do venres 4 ao xoves 31 de outubro de 2019, na Sala 1 do Multiusos da Xunqueira de Redondela permanecerá exposta a mostra Luces de alén mar. As escolas de americanos en Galicia.

  • O Arquivo da Emigración Galega do Consello da Cultura Galega vén traballando desde os seus inicios, en 1992, na recuperación e posta en valor da memoria e dos importantes legados dos/as emigrantes galegos/as. Moi logo prestou atención ás accións solidarias e exemplarmente altruístas daqueles/as que financiaron, implementaron, custearon e sostiveron as construcións escolares, retribuíndo a Galicia coas remesas propiciadoras da escolarización e da instrución. Un caso único o de Galicia, por certo, na historia das colectividades de emigrantes.
  • Para a realización destes e doutros proxectos de recuperación, ordenación e estudo do patrimonio legado polos/as nosos/as emigrantes contou, e conta, o Consello da Cultura Galega coa colaboración e axuda da Secretaría Xeral da Emigración da Xunta de Galicia. Esta parcería fixo posible, entre outros proxectos, a catalogación das construcións escolares financiadas polos/as emigrantes nas catro provincias galegas e, tamén, a exposición que se presenta.
  • Luces de alén mar. As escolas de americanos en Galicia vén a subliñar, dunha parte, a dimensión da efeméride do centenario fundacional das Sociedades Galegas de Instrución radicadas en América e, doutra, as súas realizacións académicas nas localidades de procedencia dos/as emigrantes.
Exposición "Luces de alén mar. As escolas de americanos en Galicia", en Redondela
Evento: 
Exposición
Organiza: 
Consello da Cultura Galega
Concello de Redondela
Data: 
04.10.2019
31.10.2019
Lugar:
Multiúsos da Xunqueira - Sala 1
Paseo da Xunqueira, s/n
Redondela - 36800Pontevedra
España
  • O TEMPO EN:Vigo
    Hoxe
    13°
    Parcialmente anubrado
    Mañá
    16°
    Chuvasco
Máis eventos na Axenda de GaliciaAberta:
Ciclo de cine contemporáneo en Galicia, en Mar del Plata
03.09.2019, 17.09.2019, 03.10.2019, 15.10.2019, 22.10.2019