Do 9 ao 30 de agosto, no Edificio Administrativo da Xunta de Galicia en Vigo, pode visitarse na cidade olívica a exposición José María Cao Luaces, un galego patriarca da caricatura arxentina.

• Na súa itinerancia polas catro provincias galegas, iniciada o pasado mes de maio en Santiago de Compostela, a mostra chega a Vigo para seguir difundindo entre a cidadanía a obra deste destacado debuxante de orixe lucense, escasamente coñecido en Galicia, que desenvolveu a súa traxectoria profesional principalmente en Arxentina

• Este proxecto expositivo sobre José María Cao Luaces, que acadou un lugar de privilexio nas mellores publicacións periódicas da Arxentina, reúne unha escolma de caricaturas do artista a través das que se poñen de manifesto as distintas etapas polas que pasou o seu creador e que permiten admirar o talento e a habelencia dun debuxante galego excepcional que se erixiu como un dos grandes creadores desta forma de arte no seu tempo