Do sábado 13 de abril ao domingo 12 de maio, na Sala de Exposicións do Edificio Moruno da Autoridade Portuaria de Castelló, poderá visitarse a exposición Inventio Mundi. Galicia nas viaxes transoceánicas - Séculos XV-XVII, organizada polo Centro Galego de Castelló "O Aturuxo" coa colaboración do Consello da Cutura Galega e a Secretaría Xeral da Emigración da Xunta de Galicia.

• A mostra creouse en 2019 cando se conmemoraba o quinto centenario da saída da expedición Magalhães/Elcano que completaría a primeira circunnavegación do planeta.
• Inventio Mundi. Galicia nas viaxes transoceánicas. Séculos XV-XVII amosa as consecuencias que aquela formidable viaxe tivo para Galicia. Aquela epopea deu ao vello reino galego unha oportunidade de aproveitar a súa situación nas rutas atlánticas, as vantaxes dos seus portos e a tradición dos seus mariñeiros.
• Os Reis Católicos descartaran Galicia como núcleo da Carreira das Indias, pero os poderosos galegos aspiraban a ter parte nese xigantesco negocio. A Casa da Especiaría da Coruña foi un soño breve, pero deu a Galicia un notable protagonismo que tamén se debe celebrar.

Cartel informativo: Descargar

Horario de visitas:

• De martes a venres: de 17:00 a 20:00 h.
• Sábados, domingos e festivos: de 12:00 a 14:00 h e de 17:00 a 20:00 h.
• Entrada libre 

Máis info: Facebook