O Lar Galego de Sevilla celebra o Día das Letras Galegas 2026 cunha homenaxe á periodista e escritora galega Begoña Caamaño. Será o sábado 16 de maio ás 20:00 horas, na súa sede.

O evento comezará cunha conferencia sobre a protagonista. A continuación, fallarase o XVIII Certame de Relatos Curtos María Teresa Rodríguez. E, para pechar o acto, haberá música galega coa actuación das Cantareiras da Sierra, un grupo de mulleres que canta desde a memoria e a terra, investigando as tradicións musicais do oeste peninsular ligadas á vida cotiá.

Máis info: Facebook | Instagram.