O sábado 17 de maio a partir das 19,30 h., na sede da entidade galega na capital do Bierzo, o Centro Galicia en Ponferrada celebra o Día das Letras Galegas cun acto de homenaxe poético-musical a Xosé María Díaz Castro, no que se lerán textos deste poeta e tradutor guitiricense a quen a Real Academia Galega dedica a presente edición da gran festa da nosa cultura, a banda de gaitas do Centro interpretará varias pezas e, ao rematar, serviranse uns petiscos.