O martes 27 e o mércores 28 de novembro a Cátedra de Estudos Galegos da Universidade de Deusto, en colaboración coa Secretaría Xeral de Política Lingüística da Xunta de Galicia, organizan o evento Contadas & Musicadas. Oralidade, música e literatura en Galicia, que se desenvolverá na Facultade de Ciencias Sociais e Humanas da Universidade de Deusto (Campus de Bilbao).

O evento, que pretende ser unha aproximación á interacción entre literatura, música e cultura oral na Galicia do século XXI,  está aberto a toda a comunidade universitaria e a todas as persoas interesadas nos temas que se abordarán, e constará de dúas sesións:

• Martes 27 de novembro, 16,00 h. (aula 209-B)
    -A poesía galega na música: violíns, punk e bossa nova. Conferencia a cargo do poeta Arsenio Iglesias.

• Mércores 28 de novembro, 13,00 h. (aula 258)
    -Contos do que non hai. Sesión de narracións orais a cargo da contacontos e cantante María da Pontragha.