O venres 14 de decembro ás 20,00 h., na sede da entidade, no marco dos actos conmemorativos do seu 50º Aniversario, o Centro Gallego de Santa Cruz de Tenerife acollerá unha conferencia sobre a Orde do Temple que pronunciará Teófilo Hernando Rupérez, experto en estudos teolóxicos. A entrada é de balde e, ao rematar, ofrecerase un viño galego.

Así mesmo, inaugurarase a exposición de collages do pintor Manuel Seoane, que permanecerá aberta ata o venres 11 de xaneiro de 2013.